ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

مكانش حلم الحلقة السابعة

استعرض الموضوع السابق استعرض الموضوع التالي اذهب الى الأسفل

مكانش حلم الحلقة السابعة

مُساهمة من طرف Admin في الأربعاء يوليو 03, 2013 2:00 am

فـ المستشفى

عماد : خير يا دكتور

الدكتور : مبرووك المدام حامل

منى بإستغراب : حآمل ؟؟

الدكتور بإبتسامه : اها يا مدام منى حآمل

عماد و منى فرحانين فرحه المولود الجديد خد عماد التحاليل و نزل هو و منى
لفوآ و جآبو لبس جديد للنونو و هم فرحانين و بيتفرجو على اللبس بتاو

وقفو قدام محل لبس بنانيت و شافو لبس لبنات فى سن ندى

منى و هى عنيها على الهدوم : إفرض طلعت بنت ؟

عماد : تقصدى ايه ؟؟

منى : اقصد يعنى لو ،،

قاطعها عماد و بصلّها : اوعى يا منى فـ يوم تفكرى فى كدا
مهما كان المولود بنت او ولد انا راضى على الى ربنا قاسمه ،، ندى بقت حته منى
و مهما حصل عمرنا ما هنسيبها ان شاء الله

منى : انا مقولتش كدا يا عماد بس برضو فكر اننا عندنا ولدين و الولاد بتكبر و ندى كل يوم بردو بتكبر
و كان فكرة اننا نجيبها فى البيت تعيش معانا غلط من الاول


عماد بنرفزة : منى يلا نمشى

منى راحت ع العربيه بعصبيه و هى بتبص لعماد قعدت و هى بتتحس على الطفل و اترسمت على وشها ابتسامه
عماد دخل العربيه و شغلها و مشيو و هو بيبص عليها نظرات اسى على تفكيرها لندى

===================================

فريدة و امل قاعدين فدام التليفزيون و بيضحكو ،،


امل : هههههههههههه بس يا بنتى منظرة كان تحفه

فريدة : منظر ايه بس يا ماما دا كان عامل كدا " و تطلع فريدة لسانها و تحول عنيها "
و تضحك امل

امل : بس قوليلى هنا انتى لسه بتحبى اسامه ؟؟

قآمت فريدة حطت طبق الفشار على الترابيزة و قعدت قدام امل

فريدة : بصى يا ماما اسامه بيحبنى و كل حاجه ،،
و انا عمرى ما نسيته ولا هنساة بس خلينا واقعيين
انا لسه صغيرة اووى و لسه ياما هقابل هحب من دلوقتى ليه و اعلقه بيبا

قربت امل من فريدة و اخدتها فى حضنها و هى بتقولها : هى دى تربيتى لبنوتى

ابتسمت فريدة و حضنتها اووى

=============================================

اسلام و ندى خلصو صلاة ،،

قام اسلام و هو بيطبق سجادته و بيبص لندى بإستغراب

ندى لاحظت سرحانها قامت طبقت سجادتها

ندى داخله اوضتها و على ايديها المصليه

نداها اسلام وقفت ،،

اسلام : مالك يا ندى ؟

ندى باستغراب : مالى ازاى ؟؟

اسلام : من ساعه ما رجعتى من المدرسه متغيرة كدا و اتخضيتى اول ما فتحت الباب ،، هو ايه الى كان فى الورقه

ندى : متغيرة ازاى يعنى يا اسلام ، و بعدين قولتلك انها لعبه ما بينى و بين صحابى

اسلام : مبتعرفيش تكدبى على فكرة

ندى : قصدك انى كدابه ؟؟

اسلام : انا مقولتش كدا انا بقولك انك مبتعرفيش تمثلى الكدب و بيبان عليكى

ندى : يعنى انا كدابه عموما متشكرة يا اسلام ،، قالتها ندى و دخلت اوضتها بسرعه

اسلام واقف حاسس انه زودها اوى معاها
================================

ندى دخلت اوضتها مستغربه نفسها ،، حاسه بحاجات كتيرة اووى
استغربت ازاى ردت على اسلام و هى فعلا بتدكدب و لامت احساسها انها مش مقتنعه انها ،،، كدابه

وقفت قدام المرايه بتفكر فى عمر و فى لحظه ما قالها اسمه و اداها الورقه
راحت فتحت الدولاب و طلعت منه الصندوق الى بتشيل دايما فيه اسرارها
طلعت الورقه و بصت فيها ،، زعلت اكتر انها مزعله اسلام طبقت الورقه و حطتها فى الصندوق

سمعت صوت برة عرفت ان منى و عماد جم قفلت الصندوق و حطته فى الدولاب بسرعه و لبست طرحتها و طلعت

ندى اول ما شافت منى جريت عليها و حضنتها

ندى : وحشتينى اوووى يا ماما

منى بجفاف : و انتى يا ندى ،، فين كريم يا اسلام

اسلام بيلعب بلاى ستيشن : نايم يا ماما

عماد : طيب ادخل صحيه عشان فى مفجأة هنقولها انا و ماما ع الغدا

منى : تعالى ساعدينى يا ندى

اسلام قفل البلاى ستيشن و قام : انا جاى اساعدك يا ماما ندى لسه جايه م المدرسه

منى : لا ادخل انتا زاكر انتا على ابواب الثانويه تعالى يا ندى

ندى فرحت اوووى بكلام منى و انها عايزاها تساعدها على عكس اسلام و عماد الى حسو بتغيير منى على ندى

عماد قعد جنب اسلام

اسلام : خير يا بابا ؟

عماد بتنهيدة : ماما حامل يا اسلام

اسلام بصدمه : نعم ؟؟ ازاى قصدى امتا قصدى فى ايه قصدى ولد ولا بنت ؟؟

عماد : لسه فىا لشهر التانى مش هنعرف اذا ولد او بنت الا كمان شهرين

اسلام : و افرض بنت ؟

استغرب عماد لانه نفس سؤال منى : يعنى ؟؟

اسلام : اقصد ندى ؟؟

عماد : انتا عايزنا نسيب ندى ؟؟

اسلام فكر للحظات بحياته قبل ندى و بعدها و رد بسرعه جدا : مستحييييييييييل

عماد ابتسم و قال : قدر الله و ما شاء فعل ان شاء الله خير يا اسلام

سرح اسلام و هو بيتخيل حياته فعلا منغير ندى لف دماغه و هو بيطرد التفكري دا من دماغه
**************************

منى مع ندى فى المطبخ

منى : خدى قطعى السلطه يا ندى

ندى اول مرة تدخل المطبخ متعرفش تعمل اى طبيخ : اتكسفت تقول لمنى لا و قالت تجرب
ماسكه السكينه مش عارفه تقطع ازاى مسكت خيارة بعصبيه و هى عايزة تعرف تتقطعها صح عورت ايديها
صوتت و الطبق وقع

جريو عماد و اسلام ناحيه الصويت بخضه

منى : انتى بتستهيبلىىى محدش عارف يستفيد منك بحاجه
واحدة فى تانيه اعدادى مش عارفه تمسك سكينه ؟؟

ندى عيطتت و هى بتبص على جرحها جرى عليها عماد و دخل المطبخ بغضب و هو بيهمس لمنى : ليه كدا

اسلام اتدايق من معامله منى و زعيقها لندى

عماد اخد ندى و طهرلها الجرح و ربطهولها بشاش

ندى بدموع : و الله يا عمو عماد انا مكان قصدى انا مبعرفش اقطع حاجه و اتكسفت اقول لماما منى لا

عماد اتكونت فى عيونه دموع من ندى خدها فى حضنه : عموعماد يا ندى ؟؟ مش انا بابا

ندى : طبعا يا بابا

عماد : متزعليش يا بحيبتى اما تعرفى ظروف ماما هتعزرويها دى ماما بتحبك اووى

ندى : و انا بحبها اوووى يا بابا و هصالحها عشان انا غلطانه بس اما تهدى

عماد خد ندى فى حضنه و لاول مرة يدعى انه الطفل الحامل فيه منى ميكونش بنت

=====================================

مايسه بتنادى على ريتاج

ريتاج : انا هنا يا ماما

مايسه لقيتها بتلعب مع محمد

مايسه : خلصتى مزاكرتك ؟؟

ريتاج : لا يا ماما لسه فاضلى جزء هخلصه مع سيف

سيف : حبيبتى يا ناس ريتو العسسل اختى دى

مايسه ابتسمت : و انتا يا سيف ؟؟

محمد : اه يا ماما تمام

شمت مايسه ريحه الاكل جريت عليه و هى بتقول

مايسه : خليها تزاكر يا سيف و متشبطهاش فيك و فى اللعب

===========================================

كريم و اسلام و منى و عماد و ندى قاعدين بيتغدوا

عماد : يا ولاد انا عايز اقولكو ع خبر حلو اوووى ماما حاامل

كريم بفرحه : بجد يا ماما ؟؟

منى بابتسامه : اة يا حبيبى بجد


كريم : يعنى هتجبيلى اخت ؟؟

ندى بصت لكريم و رجعت بصت فى طبقها

عماد و اسلام اتدايقو

منى ردت بنفس الابتسامه : ان شاء الله يا حبيبى

كريم : الله بقى دا احلى خبر بجد

ندى قامت باست منى و حضنتها : مبرووك يا ماما

منى : الله يبارك فيكى يا ندى

ندى : انا شبعت هروح اخلص مزاكرتى

دخلت ندى اوضتها و اسلام متابعها

بص اسلام لكريم الى كان بياكل و مش همه

اسلام : مبروك يا ماما انا كمان خلصت

منى : اقعد كمل اكلك

اسلام : شبعععت

منى : قولت كل

اسلام استغرب ليه معاملتش ندى و قعدتها و هى عارفه انها مأكلتش و اهتمت باسلام بس !
اسلام فى سرة : شكلك هتتعبى اوى يا ندى

^^^^^^^^^^^^^^^^^^^^^^^^^^

عدت شهور منغير اى جديد بيحصل غير الروتين اليومى

منى عاملت سونار و طلعت حامل فى بنت
عماد اتدايق بس معترضش على حكم ربنا
اسلام مفرحش بعكس كريم الى زقطط
ندى بقى عادى بالنسبالها معامله منى و كريم
و كانت دايما مصبرة نفسها بطبطه عماد و راحتها مع اسلام و قربها منه
و تجنبت اى كلام مع عمر و فهم انها رافضاه

===============================================

منى علمت ندى الطبيخ

بقت ندى الى عليها تلت اربع شغل البيت و مساعدة منى
اسلام بيساعدها كل ما بيشوف الحمل تقيل عليها

عماد مشاكله مع منى بتكبر بسبب ندى

منى قررت قرار و قالت مش هترجع فيه

منى : عماد انا قررت قرار مافيهوش راجعه

عماد : ايه هو ؟؟
avatar
Admin
Admin

المساهمات : 54
تاريخ التسجيل : 02/07/2013
العمر : 21
الموقع : egypt

معاينة صفحة البيانات الشخصي للعضو http://wladelbalad.ahlamontada.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى