ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

قصة مكانش حلم الحلقة 27

استعرض الموضوع السابق استعرض الموضوع التالي اذهب الى الأسفل

قصة مكانش حلم الحلقة 27

مُساهمة من طرف Admin في الأربعاء يوليو 03, 2013 5:17 am

فاقت ندى على صوت خناق و ضرب و تكسير و هى بتصوت و بتبص على نفسا و ع الى حواليها
هديت اما عرفت انها كانت بتحلم لكن خوفها زاد اكتر
شدت فى رجليها لحد ما وصلت لـ الباب بتحاول تسمع الى بيحصل


ماجد بصوت واطى بيعلى تدريجيا : بقى انا تعملى معايا كداااا
طب امتا و ازااااااى

شيرين : صوتك يوطى عليا يا ماجد

قرب ماجد ناحيه الورق بيقطعه ،، شيرين قامت بجنون بتحاول تمنعه

زقها ماجد للمرة التانيه قامت شيرين بكل جنونها و قوتها ضربته بالشومه الى ساندة الترابيزة على دماغه

وجعت ماجد مكان الضربه فتحت دماغه
نزل ماجد فيها ضرب و من كبر سنها مستحملتش فضلت تنهج ببطىء
الدم نازل على وش ماجد قام و هو حاطط ايدة على دماغه


ندى فجأة لقت كل الاصوات اختفت بعدت عن الباب و دموعها نازله كل الى عليها انها بتدعى و بتقول اسم اسلام بطريقه جنونيه

=====================================

اسلام و هو بيدور وقف مرة واحدة حس لوجع فى قلبه و قرصه من شدة وجعها الناس سندته و جابوله رسى يقعد عليه

قام اسلام و هو مش قادر يفرد ضهرة من وجع قلبه و هو لسه بيدور و دموعه نازله على خده

لدرجه انه بيصعب على كل حد يسأله

طلع اسلام موبايله من جيبه و اتصل بـ عماد

عماد : لقيت حاجه يا اسلام ؟

اسلام بتعب : لا ، بابا انا عاوز اقولك حاجه

======================================

نزل اسامه من الاتوبيس حضن سيف بشوق السنين و البعد

اسامه : وحشتنى وحشتنى اووى يا صاحبى


سيف ( محمد ) و انت كمان يا اسامه وحشتنى اوووى

اسامه بنبرة اشتياق : فييييينك يبنى و فين ندى وفريدة


محمد وقف لحظات مش قادر يستوعب الصدمه حاسس بحلقات مفقودة مش عارف يترجمها

محمد : اه كويسين

اسامه حس بحاجه غريبه : مالك يا محمد ؟

محمد : اسامه ممكن اتكلم معاك شويه

اسامه : اوى اوى تعالى معانا ندخل الاطفال النادى و نتكلم سوى

********************************************
و على ترابيزة قريبه من البسين فى النادى


اسامه : و من ساعه ما قولتلى انك نازل رايح مبنى ندى و انا مشوفتكش سألت عليك قالو ان مامتك ظهرت و انك مشيت معاها

فضلت عايش لوحدى مش عارف اعمل اى حاجه فى حياتى منغيرك و منغير ندى و بعدكو فريدة الى اخدتها مس امل اما عملت خناقه الله اعلم سببها فى الدار

مكنش قدامى غير انى ازاكر و انجح و اما تميت العشرين
كل اصحابه الى دفعتى خرجو برة الدار و شافو حياتهم
و انا قررت اشتغل مدرس فى الدار لانى اصلا فى تربيه انجلش


محمد : انا مش فاكر بردو مش عارف افتكر حاجه
حاسس انى لعبه بالزمبلك
حاجات كتيرة اوى يا اسامه متلخبطه
مش عارف اصلها كل الافعال تأكد انى مش اخو ريتاج
من معامله ماما هدى معايا و انها دايما تزعقلها اما اقعد معاها
و ندى وفريدة و انت الى قابلتك بالصدفه الباحته
كل دا ايه اصله


اسامه : فى حاجه اسمها فقدان زاكرة بس الى اعرفه يا محمد
ان الزاكرة بترجع من اول رد فعل يحصل حصله قبل كدا
خياله بيدى اشارة للمخ يستعيد الى حصل
انما حالتك انت غريبه اووى


محمد : انا كنت حاسس حبى لندى من اول ما شفتها و كأنى اعرفها من سنين
و اشتياقى لفريدة و انى عايز اكلمها كتير و حبى الى ليك من اول ما شفتك يعنى انا الاولى بقلب ندى و حبها
يعنى انا احساسى صح و عمرى ما هفرط فيها لحد
يمكن حصلت حاجه و زاكرتى اتنست انما قلبى لسه زى ماهو بحبه و اشتياقه ليكم
دمع محمد غصب عنه طبطب اسامه على ايدو

اسامه : ان شاء الله ندى هترجع يا محمد

محمد مسح دموعه : اسامه انا لو طلبت انك تساعدنى هتساعدنى

اسامه : انا افديك برقبتى

جت بنوته من وراهم خبطت على كتف اسامه

ريم : مش يلا بقى ناكل ؟

اسامه : حاضر يا حبيبتى دقايق و جايلك

ريم : ماشى يا حبيبى هستناك

محمد : انا مضطر امشى عشان اسلام بيتصل بيا
ادينى رقمك و هكلمك و لينا مقابله تانيه اكيد


اسامه : الدار بتاعنا مش بعيد عن هنا انا دايما فيه
و اكتب عندك رقمى

=====================================


كريم و فريدة قاعدين قدام البحر ع الرمله


كريم : مش عارف يا فريدة مش عارف اوصف الى انا فيه

فريدة : انا هقولك يا كريم

كريم بصلها بـ انتباه

فريدة بصت قدامها ع البحر و هى بتكمل كلامها

انتا حاطط نفسك جوة دايرة يا كريم
ناسى ان الدايرة مالهاش نقطه بدايه ولا نهايه
كل ما بتعدى ع النقطه بتلف و ترجعلها من تانى
مش عارف تاخد قرار مع ان الى حواليك ناس كويسه

العيب مش فى صحابك ولا اهلك ،، العيب فيك انت يا كريم
حبيت ريتاج رغم حبك ليها او حتى تعلققك
مش بتحافظ عليها


كريم : انا عمرى ما لمستها ولا جيت جنبها

ضحكت فريدة بـ استياء : للاسف انك تحافظ عليها مش انك متقرببلهاش يا كريم
انك تحافظ عليها يعنى تحفظ قلبك الى هتديهولها
يعنى تدعيلها و متكلمش بنات غيرها
يعنى هى تبقى كل حياتك زى ما انت هتبقى كل حياتها
الحب يعنى انسان واحد بجسدين فى مكانيني مختلفين
الحب يعنى اشياق و لهفه و قلب بيدعى فى ساعه قيام ربنا يحفظه ليا

الحب حاجات كتيرة اوى يا كريم انت متعرفهاش


كريم بـ اندهاش : يااااااااااااااااااة يا فريدة انا مكنتش اعرف انك كدا

ضحكت فريدة نفس الضحكه : فى حاجات كتيرة اوى يا كريم الواحد مش بيعرفها الا اما يتصدم
او يدى لعقله فرضه انه يفكر بعين قلبه

كريم : فريدة انتى ازاى كدا ازاى لكل حاجه عندك رد

فريدة بـ ابتسامه : مبحبش اشكر فى نفسى كتير

كريم : ربنا يخليكى ليا

فريدة صدمتها الكلمه حس كريم انه اتمادى اوى

كريم : و يخليكى لندى و لماما امل يارب

فريدة مبينتش انها اخدت الكلمه على محمل الجد

فريدة : يارب و يخليك و يرجججججع ندى ياااااااااااارب


=======================================




اسلام و سيف و كريم و فريدة قاعدين فى ريسيبشن الفندق
بقالهم اكتر من 36 ساعه ميعرفوش حاجه عن ندى
كل واحد فيهم معاه مصحفه بيقرأ فيه و بيوهب ثوابه لندى

سمعو دوشه كلهم انتبهو لصاحب الصوت


الامن : اطلع برة

.............. : انا عايز الباشا هقوله حاجه و بزعيق لـ ايلام : يا باااااااااااشا يا باااااااااااااشا

اسلام قام بـ استغراب و وراة سيف و كريم

اسلام : سيبوة معلش تعالى ياا


الراجل : الله يكرمك يا باشا

اسلام : مش انت الى

الراجل : انا ايوة انا يا باشا انا ظلمت الولد امبارح و اخدت الفلوس ظلم و ادى اخرة الحرام
بنتى ماتت يا باشا قبل ما يوصلها الدوا الى بالحرام
يشهد ربنا انى عملت كل دا عشان بنتى
يعنى كنت اعمل ايه اسرق و امد ايدى لا المعاش بيكفى ولا البلد حاسه بينا يا باشا
انا معرفتش ارجع الدوا انا جبته من صيدليه قريبه من هنا
ادى الدوا و ادى الى باقى من الفلوس سامحنى يا باا و خلو ماجد يسامحنى
هو دعى عليا و حسبن و حسبنته وصلت


خد اسلام الراجل فى حضنه و طبطب عليه

اسلام : اهدى بس يا راجل يا طيب دا قدر بنتك

الراجل : و نعم بالله انا رايح لماجد اعتذرله و ابوس دماغه بس لو شافنى هيضربنى يا باشا


اسلام : متخافش انا هاجى معاك بس انتا هدى نفسك و امسح دموعك دى و الى معشتهوش انت و بنتك فى الدنيا هتعيشوة فى الاخرة الى عند ربنا مبيضعش


اسلام للامن : فين بيت ماجد ؟


الامن : واحد زميلنا راحله من شويه بس محدش رد
عرفنا انه مش فى البيت

اسلام : هو فين الى راحله يعنى يوصفلنا بيته


================================


قدام بيت ماجد اسلام بيخبط

طلعتله جارته الى فى وشه

اسلام : لو سمحتى هو محدش موجود ؟

الجارة : الله يكحمهم البعدا و احنا عارفين ننام منه هو و الكركوبه الى معاه
طول النهار تكسير و صويت و محدش يقدر يتكلم ولا يدافع الهى يغورهم من هنا

اسلام : يعنى ايه محدش جوة

الجارة : و الله يا بيه ما نعرف احنا سمعنا ضرب و تكسير و فجأة صويت و بعدها الصوت سكت

اسلام بعصبيه : ننعععععععم ازاى يعنى تسكتو و انتو سامعين واحدة بتضرب

الجارة : محنا لو اتكلمنا محدش هيجبلنا حقنا يا بيه احنا هنا كل واحد فى حاله كل واحد فيه الى مكفه و محدش ناقص هم زيادة
شكلك كدا ابن ناس و عمرك ما اتبهدلت يا باشا سيبنا فى حالنا الله يكرمك دخلت الست و رزعت الباب فى وش اسلام

اسلام خبط اكتر من الاول

اسلام : بقولكو ايه انا هكسر الباب

كريم : انت معكش ازن من النيابه يا اسلام مينفعش

اسلام : انا حاسس ان فى حاجه انا هكسر الباب

اسلام و سيف و كريم و الراجل بيساعدو بعض ان الباب يتكسر


اسلام و سيف و كريم واقفين متسمرين مكانهم
اسلام برق و هو بيهمس بشفايفه و كل حته فيه بتترعش


اسلام : نــــ د ى !!
avatar
Admin
Admin

المساهمات : 54
تاريخ التسجيل : 02/07/2013
العمر : 21
الموقع : egypt

معاينة صفحة البيانات الشخصي للعضو http://wladelbalad.ahlamontada.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى