ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

قصة مكانش حلم الحلقة 25

استعرض الموضوع السابق استعرض الموضوع التالي اذهب الى الأسفل

قصة مكانش حلم الحلقة 25

مُساهمة من طرف Admin في الأربعاء يوليو 03, 2013 5:00 am

اسلام بخضه : الحقو يا جمـآعه

الكل قآم مخضوض

سيف : فى ايه يا اسلام

اسلام بلجلجه : ننن ندى ندى بتتصل

سيف بعصبيه : ما ترود يا اسلام بسرعه

و كأن اسلام مكانش عارف يتصرف و مستنى حد يقوله يعمل ايه
رد اسلام و نبضات قلبه معديه


...... : الو ؟

اسلام بخوف : ايوة مين ؟

...... : لو سمحت احنا ادارة فندق 5 ستارز و الامن لقى الموبايل دا داخل الفندق
احنا اسفين جدا بس احنا اضطرينا نشوف اخر اسم متصل بيه صاحب التليفون و كان حضرتك
لو تعرف توصله ياريت تبلغه يجى يستلم التليفون


اسلام بيمسح عرقه و داخ مرة واحدة لحقه سيف و كريم

اسلام بيكمل : ححاضر انا جاى حالا

وقع الموبايل من ايد اسلام ،، وطى سيف اخدة و حطه فى جيبه من لهو الموقف و سند اسلام قعدة


عماد : فى ايه يا اسلام

اسلام دموعه على خده : موبايلها لقو موبايلها واقع ع الارض و ملاقوهاش
ندى انتى فييييييييييييين يا ندى
و بصراخ : نددددددددددددددددددددددددى ارجعععععععععععععى بقققققققققققققى يا قلبببببببببببببببى


مستحملتش منى تشوفه كدا عيطت على عياط ابنها قامت اخدته فى حضنها

سيف عرف بل اتأكد ان اسلام بيحبها

اسلام صراخه مستمر كل الى فى الفندق اتلمو عليه من صوته
محدش عارف يسكت اسسلام

سيف : اهدى يا اسلام " و بدموع حبسها " اهدى لو بتحب ندى

اسلام التفتله مرة واحدة كأنه كان مستنيه يقوله كدا


اسلام : بحبها ؟؟؟
ندى كل حاجه فى حياتى يا سيف انا مش متخيل حياتى منغيرها
ندى تبقى بنتى و اختى و حبيبتى و الى هتكون مراتى

5 سنين انا الى ربيتها انا الى علمتها انا الى اهتميت بيها
انا الى حبيتهااااااااااااااااااااااااااااااا


كل كلمه طالعه من اسلام كأنها خنجر فى قلب سيف
الى مستغربله سيف انه حاسس انه يعرف ندى من زمااان اوووى
حاسس انه مشدود لها حاسس انه غيران عليها
حاسس انه يعرف عنها حاجات كتير هى نفسها متعرفهاش عن نفسها


حس سيف انه شافها متأخر و انه الى عليه دلوقتى انه ينسحب من قدامها
عشان ميتقتلش كل ما يشوفها مع اسلام


قآم اسلام و هو بيمسح دموعه : انا رايح استلم موبايل ندى

كريم ^ سيف : انا جاى معاك

مشى اسلام و وراة سيف و كريم و كل واحد بيفكر فى حاجه عكس التانى
الا اسلام و سيف الى بيربطهم حبهم لـ ندى !


مصدقت منى ان اسلام مشى مسحت دموعها و قعدت جنب عماد الى راجع بضهرو ع الفوتيه فى ريسيبشن الفندق


منى : انت كنت تعرف ان فى بينهم حاجه ؟

عماد : دماغك متروحش لبعيد يا منى ،،، ندى و ايلام حبهم برىء
حب طاهر ميعرفش الغدر


منى : انا واثقه فى ابنى كويس


عماد : و مش واقه فى ندى ؟؟؟؟

سكتت منى


عماد بعصبيه : انتى جبتى القسوة دى منييييين فوووووقى يا منى ندى مأذتكيش
انا مش عارف مين الى المفروض يبقى الحنين علينا فيها
مش متأثرة انها ممكن تكون حصلها حاجه !!
دى الامانه الى وصتك بيها سميه !
هو دا رد جميل سميه عليكى
ناسيه ان لولاها مكناش اتجوزنا
بتعاقبى ندى على ايه عملت معاكى اييييييه
ربنا رزقك بالبنت الى بتتمنيها ، عاوزة ايه تانى

منى : غيرة

عماد انتبه لمنى باستغراب

كملت منى : اه غيرة ، غيرة عليك و غيرة على ولادى الى حسيت انها بتاخدهم منى واحد ورا التانى و انها اخدتك انت نفسك
انا مبكرهش ندى و ربنا العالم خوفى و قلبى الى بيتقطع فى بعادها مش لازم ابينلكو يا اخى
انا بحبها و الله بحبها " و بعياط " بس انتو حته منى بغير عليكو و دا حقى


قرب عماد من منى طبطب عليها و حط راسها على كتفه

عماد : تبقى عبيطه يا منى ، بتغيرى من بنت اختك ؟؟
كريم بيحب يا منى و ندى تبقى اخته و اسلام حبها المفروض تفرحى انها مبتغلطش
و انها ماشيه جنب الحيط ،، من اكبر مشاكل ندى انها تبارك الخلاق فيما خلق
بس انا انا يا عبيطه انتى بعد العشرة دى كلها هسيبك و اروح لـ طفله
دى اد بنتى !
اذا كنت حنين عليها يا منى فـ عشان ملقتش الحنيه دى فيكى
ندى يتيمه يا منى مالهاش ذنب ان ربنا خلقها بجمالها دا
باسها عماد من دماغها : حقك عليا لو كنت قصرت معاكى فى حاجه
بحبك يا ام عيالى


ضحكت منى بعياط : و انا بحب ندى اوووى ووحشتنى و نفسى ترجع

عماد : هترج يا منى ان شاء الله هترجع


===================================================


مسكت ندى الكيس الى وقع من شيرين ،، و رجعت قعدت مكانها
فتحت الكيس لقت جواه 9 او 10 اوراق متطبقه كزا تطبيقه و الكيس صغير جدا

حاولت ندى تفتح الورق بحذر من صوته

لقت ان كل الورق قسايم زواج ،، الزوج فيهم كلهم اسمه ماجد محمد عبد الكريم
و اسامى البنات هى الى مختلفه

ندى ترجمت ايه الى ممكن يحصل و وجودها فى المكان دا ليه ، دموعها رجعت تنزل تانى على خدها و حطت وشها بين رجليها و هى ضماها لبطنها و بتعيط

سمعت صوت برة ، حطت الورق بتطبيقته جوة الكيس من تانى و خبيته من جوة طرحتها بالدبابيس
حاولت تشوف اى شباك زى ما بتشوف فى الافلام
بس للاسف الاوضه من الواضح انها فى الدور الارضى و الشباك بتاعها عالى جدا مافيش اى وسيله ان ندى تطوله من قصرها

قربت من الباب و هى بتحاول تسمع الى بيقولوة
شافت انهم ممكن يعرفو انها واقفه ورا الباب من ضل عَقب الباب
وقفت جنب الباب و ساندى بضهرها ع الحيطه


شيرين : كله الا دا يا ماجد

ماجد : بس احنا عملناها كتير

شيرين : اه عملناها كتير بس كانو بنات سكَه ، البت دى مالهاش فى الجو دا

ماجد : بالعكس يا عبيطه شكلها بنت ناس و الفلوس هتبقى اكبر و بعدين اهو الواحد يشوفله يومين


شيرين : انا قولت كله الا دى يا ماجد رجعها من مكان ما جبتها دنا فكرتها اجنبيه

ماجد : مادا الى عاجبنى فيها

شيرين : نععععم

ماجد : انتى بتغيرى ولا ايييه


شيرين : و اغير على ايه يا بابا فوق لنفسك يا ماجد


ماجد : خلاص يبقى تسيبينى اعمل الى فى دماغى و الا همشى و اسيبهالك مخدرة


شيرين بخوف لـ ينفذ تهديدة : و اهون عليك

ماجد جوة نفسه : ست كركوبه صحيح بس اعمل ايه لولا فلوسك و افكارك مكنتش هعمل اى حاجه فى حياتى " سيبيبنى يا حبيبتى اعمل الى انا عاوزة و انا فى الاول و الاخر ليكى

شيرين : ماشى يا ماجد بس خلى فى علمك ان دى اخر مرة هتتجوز فيها

ماجد " و هو بعد القمر الى جوة دى حد يبص برة " و انا موافق

شيرين قامت تدور على كيس القسايم


ماجد ك بتدرى على ايه

شيرين : مش عارفه كيس القسايم بتاع الفلوس راح فين

ماجد : و هنحتاج القسايم فى ايه

شيرين : مش بقولك غشيم : القسايم دى عشان متفكرش ترفع عنيها فيك ولا ترفع عليك قواضى ولا يحزنون


ماجد : يا بنت الذينا : دا انتى شيطانه


شيرين : و الشيطانه مش لاقيه القسايم

ماجد : دورى كدا هنا ولا هنا


ندى دموعها نازله مش عارفه تتصرف ازاى ولا تعمل ايه
رجعت فى مكانها بعد ما عرفت خلاص الى ناويين عليه ماجد و الست الى معاه
مش قدامها غير انها تدعى ربنا

ندى من خوفها و رهبتها وقعت من طولها


رن موبايل و رد ،،،

ماجد : الو جاى اهو حاضر ماشى سلام

شيرين : رايح فين ؟

ماجد : طالبينى فى الفندق

شيرين : طيب متتأخرش و هات قسايم جديدة و انتا جاى
لحد ما ادور على الى هنا


=========================================


اسلام و سيف و كريم خارجين من مكتب المدير بعد ما اخدو موبايل ندى

كريم : مكنش المفروض تقول لفريدة ان ندى تايهه يا اسلام
هتيجى هى و طنط امل فى وقت زى دا ازاى ؟

سيف : انت بتلومه ازاى يا كريم ؟ كان هيقولها ايه و هو مش شايف قدامه

كريم : انا مقصدش حاجه بس

قاطعه اسلام بعدم اهتمام من كلامه و بتعب : احنا مش هنفضل ساكتين كدا
كل واحد فينا هيقسم نفسه يدور فى حته

لو هتوصل بيا انى اجيب ازن من البوليس بتفتيش الاسكندريه بيت بيت


سمعو خناقه و اتنين بيضربو بعض مشيو ناحيتها


الخناقه ،،


.................. : انتا حرامى و زباله

...... : انتا بتشتمنى انا

و ابتدو الضرب

الامن : خلاص يا ماجد سيب الراجل

ماجد : مش سايبه الا اما بقول حقى برقبتى

اسلام اتدخل فى الخناقه


اسلام : خلاص يا جماعه الحال مش ناقص

...... : الواد دا حرامى

ماجد مد يضربه منعه اسلام و بص تانى للراجل

اسلام : سرق منك ايه ؟


......... : 200 جنيه كانو فى جيبى مش لاقى منهم مليم يا باشا

ماجد : وربنا كددااااب دى كلها لعبه اصلا انا كنت قاعد فى بيتى و هو الى كلمنى

اسلام طلع من جيبه 200 جنيه و فى نيته صدقه عشان يلاقى ندى

اسلام : الـ 200 جنيه اهم ابعد عنه بقى

....... : ربنا يخليك يا باشا يارب

مشى الراجل و اتفضت الخناقه

ماجد : يابن الـ ..... لهف الـ 200 جنيه ، بس وربنا يا باشا انا ما سرقته


اسلام : خلاص يا ،، ماجد ؟ انا سمعته بيقولك كدا ، انا مصدقك


ماجد : بس انت شكلك جدع عموما متشكرلك هرودهالك ان شاء الله

ضحك اسلام بدموع : قول يارب

ماجد بضحك : يارب يا باشا يارب
avatar
Admin
Admin

المساهمات : 54
تاريخ التسجيل : 02/07/2013
العمر : 21
الموقع : egypt

معاينة صفحة البيانات الشخصي للعضو http://wladelbalad.ahlamontada.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى