ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

قصة مكانش حلم الحلقة 20

استعرض الموضوع السابق استعرض الموضوع التالي اذهب الى الأسفل

قصة مكانش حلم الحلقة 20

مُساهمة من طرف Admin في الأربعاء يوليو 03, 2013 4:11 am

منى : خلاص انا هجيبها المهم الفرحه التانيه

حوريه يا عماد

عماد : خير ؟

منى : ادهم طالب منك معاد

ندى وقعت المعلقه من ايدها و هى مبرقه
وقف اسلام و كرريم عن الاكل و بصولها

منى كملت كلامها و عماد منتبه لـ منى

عماد : معاد ايه ؟

منى : تقريبا عآيزك تفهمه حآجه فى التشريح بتاعكو دآ

عمآد : ينور طبعا فـ اى وقت

منى : فرحانه بصراحه انه اول واحد فكر فيه هو انت

ندى بصت لطبقها بطبيعيه تانى و رجعت بصت ع اسلام لقيته بيكمل اكله
قلبها فضِل مش مطمن و خآيفه

بعد الفجـر ،،

إسلام : يعنى يا ندى دا مُجرد حلم من الشيطان
و ان شاء الله مش هتحصل حآجه صدقينى

ندى بنبرة خوف : بس يا اسلام طنط حوريه جت زى م حلمت و ادهم كماا...

قاطعها اسلام : طنط حوريه جت فى الحلم عشان تحدد معاد لـ عم ادهم الى يوم ما يفكر يعملها هيبقى تعيس مش عريس

ضحكت ندى من غيرة اسلام ،، كمل اسلام بنبرة حنيه

اسلام : ايووة بقى انا مش عايز اسمع صوتك بيتكلم بخوف كدا تانى يا آنسه و حآجه كمان بس مش هينفع اقولها دلوقتى خليها يوم كتب الكتاب

ندى ابتسمت بخجل

اسلام : لا وحياة خالتك بلاش البصه دى لحسن هضعف و انا قلبى رهيف

ندى بجديه : اسلام انا بتكلم بجد بكرة مفيش درس و خالتو لو عرفت هتقولى يبقى انتى تجيببيها

فـ الحالتين لازم هنزل انا و اجيبها يا اسلام

اسلام : خلاص يا ندى متخافيش انا هعدى عليكى بكرة و هستنى تحت وانتى تكونى لابسه و جاهزة
و هقول لماما انى هوصلكو للخياطه بالعربيه عشان الجو و كدا
و انى كمان محاضراتى اتلغت

ندى اطمنت و قالت بابتسامه : اسلام ؟

اسلام حس انها هتقول حاجه اصطنع البرود بطريقته : ايوة ؟

ندى كان قصدها انها تبين لاسلام انها هتقول حاجه من طريقتها :

ندى : مش انتا عندك محاضرات مهمه بكرة ؟

اسلام قلب وشه بهزار : يخربيت المحاضرات على يخربيت الكليه على يخربيت الدكتور اقولك ع حاجه يخربيتنا احنا يا شييييخ

ضحكت ندى بصوت خلت اسلام ينشكح من جواه انه اتسبب فى ضحكتهـآ : )

=============================================

صحيت منى الصبح لبست حيآة
من قلق ندى مش عارفه تنام ، عرفت ان منى صحيت من صوت حياة طلعتلها

منى : منمتيش ليه يا ندى ؟؟

ندى بارتباك : ها لا اصلى كنت بزاكر يا ماما و بس

منى : مالك يا ندى ؟

لحقها اسلام و هو طالع من اوضته و بياخد مفاتيح العربيه

اسلام : ماما انا هخلص محاضرات انهاردة بدرى
هاجى اوصلكو للخياطه

منى : ياريت بس ندى عندها درس

ندى : ماهو

قاطعها اسلام : كريم كلم المستر عشان يعتذرله عشان البطوله ما انتى عارفه قاله ان الدرس اتلغى اصلا

منى : تمام يعنى هتيجى معايا يا ندى ؟

ندى : اة يا ماما ان شاء الله

حياه : يحنى هتكبينى انهالته من المتلسه ؟

بصت ندى لاسلام و رجعت وطت على حياة و حضنتها اوى

ندى : يعنى هجيبك انهاردة من المدرسه

حياة باست ندى : انا بحبك اوووى يا نتى

قامت ندى و هى بتحسس مكان بوست حياة و عنيها مدمعه

نزل اسلام ورا منى و هو بيتحجج بقفل الباب

اسلام بهمس : متقلقيش كدا و بعصبيه : انا مش قلتلك مش عاوز اشوف دموعك ؟
حسابنا بعدين يا هانم

ضحكت ندى بدموع و قفلت الباب و هى بتعد الساعات الى تجيب فيها حياة و تبقى كويسه و هى بتدعى ان ربنا يعدى اليوم دا على خيـر

======================================

............. : بس انتا مقولتليش انك جاى

..... : يا عم انا جاى عشان خاطر عمو رشدى مش عشانك

سيف : يا سلام

كريم : مدايقاك يا عم تحب امشى ؟

سيف : هههههههههههه ياض بهرج و ربنا

كريم بضحك : عارف رخامتك انا كمان بهزر

كريم بيدور بعينه على ريتاج مستنى تقدم اى حاجه

سيف : اخبااااااااارك

كريم : زى الفل

سيف : تمــآآآآم

خبط الباب ابتسم كريم و بص ع الباب دخل رشدى قلب كريم وشه

كريم : ازيك يا عمو ؟

رشدى : الحمد لله ازيك يا كيموو

كريم : زى الفل الحمد لله

رشدى : دوووم يا حبيبى ، ايه يا سيف محتاج حاجه ؟

سيف : لا يابابا ربنا يخليك

رشدى : انا نازل الشغل و ماما و ريتاج نزلو يتسوقو

كريم فقد الامل انه يشوف ريتاج فـ قعد بخيبه امر

كريم : انت يا عم قوم جبلنا البلاى ستيشن

سيف : على رأيك انا راجع مدرستى كمان يومين و هقعد 3 شهور مشوفكوش

كريم بحزن على فراق سيف : هو انت ليه فى مدرسه داخلى

سيف : صدقنى مش مرتاح بس بقول لبابا بيقولى تعليمها احسن مع انى مش شايف كدا

كريم : اممممممم ما هما دايما بقولو انهم شايفين حاجه احنا مش شايفنها مكشوف عنهم الحجاب

كريم $ سيف : ههههههههههههههههههههههههه

=========================================

اسلام مع ندى فـ العربيه نزلت ندى تجيب حياة من الحضانه

و نزل وراها اسلام سند ع العربيه يطمن انها دخلت

حياة شافت ندى جريت عليها و حضنتها
حضنتها ندى بخوف و مسكت ايديها اوووى

حياة : اااة نتى ايتى وجحتنى

ندى مش مركزة مع حياة و بتبص على العربيات

حياة بتحاول تسيب ايد ندى مش عارفه
ندى بتبص بعنيها مش شايفه اسلام غصب عنها من سرحانها سابت ايد حياة

اسلام لف العربيه عشان يبقى قدام الحضانه بالظبط

حياة شافته و هو نازل جريت عليه

بص اسلام على العربيات افتكر حلم ندى

ندى واقفه مبتتكلمش

اسلام شد حياة ووقعت ع الارض و هو واخدها فى حضنه

ندى مبرقه عنيها و الكل راح يطمن على حياة و اسلام

اسلام باصص على ندى و هو ماسك حياة و مش مصدق ان حلمها كان بيتحقق
مشى ناحيتها ببطىء و حياه بتعيط فى ايدو

اسلام : ندى

ندى بصدمه بصتله منغير ما تتكلم

اسلام بصدمه متداريه : حح حيياة كويسه
كويسه سا ندى

ندى دموعها ابتدت تنزل مشيت ناحيه العربيه بصمت و هى واخدة حياة فى حضنها
و اسلام بيفتكر حلمها و ان الى قالته اتنفذ بالحرف لولا ستر ربنا

====================================

عدى اليوم ميعرفش حاجه عن الى حصل غير اسلام و ندى

اسلام كان بيفكر فى الحلم و مبيروحش من باله
ندى ابتدت تتناسى الموقف لانها اخدت على كدا

كريم : اسلالالالالالالالالالالالام

اسلام : ايه يبنى خضتنى

كريم : عمال اناديك بقالى ساعه

اسلام : فى ايه ؟

كريم : مافيش قولت لبابا على اننا نعزم سيف و كدا عشان بابا عايز يتعرف عليه ووافق

اسلام : و بعدين ؟

كريم : انا عايزة يجيب ريتاج معاه

اسلام : ازاى يعنى يا كريم و مين ريتاج ؟

كريم : يبنى المزة اخته

اسلام : احترم نفسك يا جزمه دى بنت

كريم : تصدق انبهرت انا كدا ريتاج تبقى بنت ؟

اسلام : يا كريم ركز فى واااااااااحدة

كريم : منا مركز فى واحدة وربنا و الباقى بصبر بيهم نفسى عقبال ما تحن هى عليا

اسلام : يا ساتر منك يا شيخ

كريم : جبتك يا عبد المعين تعينى انا غلطان

خرج كريم خبط على ندى

ندى : ايون ؟

كريم : بقولك ايه اخوكى مزنوق

ندى : خييييييييير

كريم : طبعا قولتلك اننا هنعزم سيف اشطه ؟

ندى : تماام

كريم : عاوزك تجبيله اخته

ندى بلجلجه و سربعه : لا فريدة جيالى انهاردة يا كريم

كريم بفرحه : اشطه جدااا مش فريدة اتصاحبت عليها قوليلها تكلمها و تقولها ولا اقولك انا هكلمها انا

ندى : لا يا كريم ب

قاطعها كريم : شششششش الووو

سكتت ندى عشان متنزلش بكرامه صحبتها اكتر من كدا
كريم اتصل بفريدة

كريم : الووو يا فيرى بقولك ايه بقى طالبك فى خدمه
انتى مش جايه انهاردة اشطه بصى بقى يا ستى سيف صاحبى .....

و قال كريم لـ فريدة ان سيف معزوم و انها تكلمله ريتاج و تقولها تيجى و بالمرة تتعرف عليها

فريدة بدموع محبوسه : تماام هكلمها دلوقتى اعتبرها جت يا كريم

قفلت فريدة و دفنت وشها فى مخدتها

امل : مين الى يعتبرها جت ؟

فريدة بانهيار : بيكلمنى انا عشان اجيبهاله يا ماما
بيكلمنى عشان اقتل نفسى

امل اخدت فريدة فى حضنها و طبطبت عليها
: انا مش هقولك انك فى سن مراهقق و ان دا حب و هيعدى
بس هقواك انه لو نصيبك هيحبك و هيختارك حتى لو بعد ميت سنه

رفعت الاقلام و جفت الصحف
دمعت امل على عياط فريدة و ضمتها لحضنها اوووووى

=========================================

منى واقفه فى المطبخ جنبها فريدة و ندى

سيف و ريتاج و كريم و اسلام قاعدين برة مع عماد

حياة حاطه صباعها فى بقها و بتقفل عنيها من النوم

حياة : عايزة انام
منى : ماشى يا حبيبتى هننام دلوقتى
شالت منى حياة و قالت و هى طالعه من المطبخ

منى : قدمو انتو الكيكه و الشاى لحد ما انيم حياة يا ندى

ندى بتعمل الشاى و بتحاول تضحك فريدة

ندى ماسكه صينينه الكيكه

ندى : ورايا يا باشا بالشاى

ندى و فريدة ماشين جنب بعض بيضحكو

وصلو للريسيبشن سيف قاعد على الفوتيه و جنبه كريم و مدى ضهرة للباب

ريتاج شافتهم قامت وقفت استعداد للسلام

ندى و هى داخله بتبص على كريم و هى مبتسمه بصلها سيف

ندى : ....................

========================================
avatar
Admin
Admin

المساهمات : 54
تاريخ التسجيل : 02/07/2013
العمر : 21
الموقع : egypt

معاينة صفحة البيانات الشخصي للعضو http://wladelbalad.ahlamontada.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى