ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

قصة مكانش حلم الحلقة الاولى

استعرض الموضوع السابق استعرض الموضوع التالي اذهب الى الأسفل

قصة مكانش حلم الحلقة الاولى

مُساهمة من طرف Admin في الأربعاء يوليو 03, 2013 12:51 am

مكـانـش حلمـ " الحـلـقـه الاولى  
========================

بنتين واقفين ورا شباك و الدنيا بتشتى برا
المطر عمال بينزل و هما بيعملو اشكال على ازاز اوضتهم بالبخار و هما فرحانين

تشيل ندى شعرها الى نزل على عنيها بطريقه طفوليه و تقول لـ فريدة

ندى : تفتكرى فى يوم من الايام يا فرى هنقدر نجرى فى المطرة و نطلع برا الدار دا

فريدة و هى لسه بتعمل اشكال : طبعا يا نودى بيقولو اما نكمل 20 سنه هنقدر نمشى من هنا لوحدنا
ندى بصت لفريدة بسرعه و قالتلها هى ماسكه دبدوبها : بس هنروح فين ؟

فريدة نزلت من ع الكنبه و هى بتمثل بطريقه الاطفال البريئه

فريدة : هنشترى بيت كبييير و نلونه بلون بمبى و ابيض زى بيت باربى
و نعيش فيه انا و انتى و نجيب اطفال كتير تعيش معانا
" و ترجع تقعد على الكنبه و تبص للشباك و للمطرة "
و لما المطرة تمطر نخرج كل الاطفال معانا يجرو تحت المطرة فى جنينه بيتنا

بصت ندى للمرة الى بتمطر برة و حطو البنتين ايديهم تحت دقنهم و كل واحدة بتتخيل
اليوم الى هيجرو فيه تحت المطرة

ندى : طفله جميله اووى ،، شعرها طويل عنيها زرقا و بشرتها بيضا
تحس فيها براءة عجيبه و اى حد يتمنى بنوته شبهها
فـ 5 ابتدائى يتيمه الاب و الام
عندها خاله بتيجى تزورها مرة كل سنه اما بتنزل مصر
لان شغل جوزها بيحكم عليه كدا ،، ماتت مامتها و باباها فى حادثه قدامها
من سنتين بس دا مأثرش فيها الا تأثير وقتى ،، و مع الايام ابتدت تنسى الحادثه
اما اتعرفت على الدار و الناس الى فيه و ظروف خالتها الماديه مخلياها مش عارفه تتكفل بيها ودتها دار ايتام

فريدة : قد ندى فى السن مالهاش اى حد الا عم واحد واخد حقها وورثها و رماها فى الدار
فريدة بتحبه اوى بس هو بيكرهها و دايما بتسأل عليه بس هو مش بييجى
بشرتها خمريه وعنيها عسلى و بتحب الخير اووى

****************

يقطع سرحانهم صوت الباب الى بيتفتح و تدخل مس امل

يجرو عليها ندى و فريدة و يحضنوها

امل : بنوتينى الحلوين لسه صاحيين ليه ؟؟

ندى : فريدة كانت بتقولى اننا اما نكبر هنجيب بيت كبير و نجرى تحت المطرة

فريدة غمزتها فى دراعها ووشوشتها : المفروض دا سر يا ندى

مس امل بأبتسامه : طب يلا على سريركو بسرعه عشان المدرسه بكرة يلا بسرعه

نامو ندى و فريدة على سرايرهم ،، و طلعت مس امل

خبط الباب تانى راحت ندى تفتح :

ندى : محمد ؟ انتا بتعمل ايه و ازاى دخلت المبنى بتاعنا

محمد : انا جبتلك الشوكولاته الى بتحبيها عشان مجبتهالكيش الصبح اما نسيت المصروف

ندى بإبتسامه : شكرا يا محمد

محمد بهمس : هتروحى بكرة المدرسه ؟

ندى : اه بس امشى لو حد شافك مش هيحصل كويس

محمد : متخافيش محدش هيشوفنى قولى لفريدة ان اسامه بيقولها انه زعلان منها عشان زعقتله

ندى : حاضر

محمد : هتلاقينى واقف قدام المدرسه بتاعتك بكرة ،، يلا تصبحى ع خير

ندى و هى بتقفل الباب : و انتا من اهله خلى بالك ع نفسك

فريدة قامت من السرير : على فكرة انا مش بحب اسامه اصلا ميزعل ولا ميزعلش

ندى قسمت الشوكولاته الى جابهالها محمد و ادت نصها لفريدة

فريدة : مش خايفه محمد يعرف انك بتقسميها معايا و يزعل

ندى : انتى اختى و صاحبتى و مقدرش اكل حاجه منغيرك ،، محمد طيب و مش بيزعل

خدتها فريدة و هى بتضحك و قعدو سوا ياكلوها

محمد : قمحاوى عنيه سودا شعرة ناعم فـ 1 اعدادى يتيم الاب بيقولو ان والدته عايشه بس محدش عارف هى فين
فقدهم فى حادثه فى الى بيقول انها فاقدة الذاكرة و فيه الى بيقول انها ماتت محمد بيسمع و يسكت لانه اتعود على العيشه ،، و الى حببته فى الدار اكتر هى ندى

===============================================

تانى يوم بعد انتهاء اليوم الدراسى ...

محمد واقف قدام المدرسه زى ما قالها و ابتسم اول ما شافها

ندى : فيرى محمد جه

فريدة : اكيد هيديكى الشوكولاته زى كل يوم

قرب محمد من ندى اداها الشوكولاته و مسك ايديها و هو ماشى جنبها و فريدة ماشيه من الجنب التانى
و اسامه بيعاتبها على انها علت صوتها عليه

**************
بعد مرور 4 سنين

محمد و اسامه بقمـ فـ 1 ثانوى و ندى و فريدة فـ 2 اعدادى

تدخل مس امل فـ اوضه ندى و فريدة و هم بياكلو الشوكولاته الى بيجبها محمد لـ ندى كل يوم

مس امل : ندى تعالى خالتك تحت و عاوزة تشوفك و فى خبر ممكن يفرحك

ادت ندى حته الشوكولاته الباقيه من نصيبها لفريدة و قامت لبست طرحتها بسرعه و هى فرحانه

ندى : كوليها اكيد خالتو جايبالنا حاجات كتير

فريدة و هى بتاكل : ايوة يا عم ربنا يوعدنى و عمى يجى يزورنى ،، متفتحيش الاكل الا اما تيجى هنا يا بت

***********************************

#تنزل_ندى_و تمشى_فى الجنينه مع مس امل عشان توصل للمبنى الى فيه مديرة الدار

تبص ندى على مبنى محمد ،، محمد يشوفها بالصدفه و هو نازل يشاورلها فى ايه
ترود ندى بالمشاورة بفرحه و هى بتقوله خالتو جت
ميفهمش محمد و يقلق بس يطمن اطمئنان نسبى انه شايفها فرحانه فـ يبتسملها

*************************

فـ اوضه المديرة

ندى داخله بتجرى على خالتها : خالتووووو وحشتينى اووووى

تجرى عليها خالتها و تحضنها و هى بتنزل دمعتين و فى سرها : بقيتى نسخه من مامتك يا ندى و بصوت تسمعه :
انتى وحشتينى اكتر يا حبيبتى عامله اييه

ندى و هى لسه فى حضنها بتحاول تعوض الحنان الى مفتقداة : كويسه بشوفتك يا خالتو

المديرة : عندى ليكى خبر حلو يا ندى ،، خالتو جايه تاخدك تعيشى معاها

ندى اول ما سمعت كدا بعدت عن حضن خالتها و هى مبرقه

اتفجأت خالتها بردة فعلها

خاله ندى : مالك يا ندى انتى مش فرحانه ؟

ندى : لا فرحانه بس ليه

خاله نندى : احنا جينا خلاص نعيش هنا مالوش لازمه وجودك هنا يا ندى

ندى : بس يا خالتو

خاه ندى : مبسش يا ندى يلا اطلعى سلمى على صحابك و جيبى الى عايزة تجبيه عشان عمو عماد
واقف برة بالعربيه

ندى حست لاول مرة انها كرهت جية خالتها و مبقتش عاوزاها تيجى اتكونت فى عيون ندى دموع متزلتهاش الا اما اخدتها مس امل و مشيت

و هى راجعه من نفس الطريق محمد لسه واقف مستنيها
بصتله ندى بأسى ،، قلق محمد تانى شاورلها فى ايه معرفتش ترود بحاجه بصت فى الارض و مشيت

طلعت ندى جريت فى حضن فريدة

فريدة بخضه : مالك يا ندى فى ايييه

ندى : خالتو جايه تاخدنى يا فريدة

فريدة بعياط : لالا متقولييش انتى هتمشى و تسيبينى

ندى : مصممه تاخدنى ،، انا مش عايزة امشى يا فريدة

فريدة : انتى مش هتمشى يا ندى مش هتمشى

ندى : محمد شافنى و اكيد قلق عليا انا مش عايزة اسيبكو
خالتو لو كانت بتحبنى مكانت خادتنى من زمان ايه الى فكرها بيياا

فريدة خدتها فى حضنها : مش هتمشى يا ندى

خبط باب الاوضه جريت ندى بفزع : متفتحيش يا فيرى دول اكيد جايين ياخدونى

صوت محمد بهمس من ورا الباب : افتحى با ندى انا محمد بسرعه

فتحت فريدة

جريت ندى على محمد اترمت فى حضن فريده و هى بتعيط

ندى : محمد خالتو جايه تاخدنى

محمد بفزع : ايييه

ندى : هتاخدنى يا محمد

محمد : محدش هياخدك منى يا ندى

ندى : مافييش بإيدى حاجه يا محمد

محمد : لا فى احنا هنهرب

فريدة بخضه من الكلمه هى و ندى : هنهرب ؟؟!!
avatar
Admin
Admin

المساهمات : 54
تاريخ التسجيل : 02/07/2013
العمر : 21
الموقع : egypt

معاينة صفحة البيانات الشخصي للعضو http://wladelbalad.ahlamontada.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى