ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

قصة مكانش حلم الحلقة 18

استعرض الموضوع السابق استعرض الموضوع التالي اذهب الى الأسفل

قصة مكانش حلم الحلقة 18

مُساهمة من طرف Admin في الأربعاء يوليو 03, 2013 3:53 am

ندى قامت وقفت و عنيها كلها دموع دارت دموعها و قالت جواها
لازم اكون اقوى من كدا

ندى : مش قابله يا اسلام اى كلمه منك

اسلام قام وقف بصدمه و فريدة برقت عنيها من رد فعل ندى

و بدموع اتكونت فى عنيها
مش قابله منك اى كلمه الا فى الحلال يا اسلام

اسلام بصلها بأبتسامه وجع مدمعه
اخدت ندى المايك و هى بتكمل كلامها

ندى : و انى مش هقبل بحد يكون امام ليا فى صلاتى غيرك

احاسيس متخلبطه جوة اسلام اتولدت ،، شعور انه مستصغر الى عمله ،، و انه ظلم ندى كتير
شعور انه مكنش متوقع ان ندى تسامحه ، و انه غلط فى حقها
شعور انه نفسه الزمن يرجع بيه و ميزعلش قلبها
شعور بالفرحه ان الانسانه الى قلبه دق ليها من اول يوم شافها فيه
هى كمان قلبها بيدق بس عشانه

لكن الشعور الى كان طاغى على اسلام انه نفسه يخى ندى عن كل عين بتبصلها

كريم جه بينهج من الجرى

كريم : ايه دا ،،، انا جيت متأخر ولا ايه

بنت من الى قاعدين بدموع من الموقف : دا نتا فاتك نص عمرك

كريم وقف قدام اسلام و ندى شايف نظرتهم ابتسم
فريدة واقفه بتبص على كريم بقلب موجوع ،، نفسها كريم يفهم حبها و يقدره

كريم بص على فريدة فجأة ارتبكت و بصت على ايديها
مهتمش كريم بـ ارتباكها ووقف جنبها و بهمس : فريدة هو ايه الى حصل

فريدة بتحاول تبتسم و تبين عكس الى جواها و بنبرة وجع مفهمهاش كريم :
دايما تتأخر يا كريم ، فاتك نص عمرك

كريم : هو انا كل ما اسأل حد يقولى فاتك نص عمرك ، هم كانو بيدعو عليا ولا ايه

فـ العربيه اسلام بيسوق كريم جنبه
ندى نايمه بفرحه فى حضن فريدة

اسلام كل شويه يخطف نظرات لـ ندى من المرايه و عيونهم تتلاقى فـ يبتسموا بكسوف

وقف اسلام قدام كوبرى ستانلى

اسلام التفت لـ ندى و عيونه على كريم و فريدة

اسلام : ايه رأيكم نقف شويه هنا ؟

كريم : انا معنديش اى مانع

اسلام بيبص لفريدة بغمزة : ايه رأيك يا فريدة ؟

فريدة بعدم اهتمام لكن فرحه جواها : مش هنتأخر ؟

اسلام : مش تخافى

ندى : و انا معنديش اى مااااااااااانع

اسلام برخامه : و انا مسألتكيش ع فكرة

ندى ك طيب يلا نمشى بقى

اسلام & ندى & فريدة & كريم : هههههههههههههههههههههههه

نزل اسلام فتح ووراة ندى و فريدة

كريم بيشيل موبايله من شاحن العربيه

وقف اسلام جنب فريدة و قالها بهمس : بحاول ارودلك الجميل

ابتسمت فريدة و نزل كريم من العربيه

ندى غمزت لاسلام : اسلام انا عاوزة ايس كريم

اسلام : طيب تعالى معايا نجيب ، فريدة بتحبى ايه ؟

فريدة : شوكولاته

اسلام بـ تعجب بص لكريم و قال باستهبال : و كريم انتا بتحب الفراوله صح ؟

كريم : اخوك بقالى 16 سنه و جاى انهاردة تعرف انا بحب ايه
حسب الله ، شوكولاته ياريتها كانت جابت 2 كيلو موز ولا جابتك

فريدة & ندى : هههههههههههههههههههههه

اسلام : طب ايه رأيك مانيش جايبلك متستحقش النعمه يلا يا ندى

مشى اسلام و ندى ،، فريدة و كريم بيبصو عليهم و هما بيعدو الشارع

ندى مترردة تمسك ايد اسلام و اسلام واقف مستنى رد فعلها

مسكت فى الجاكت الى هو لابسه ابتسم اسلام و عدو الشارع

رجعت فريدة وقفت ع الكوبرى و سندت عليه و هى باصه للبحر
قدم كريم لقدام و ايديه ورا ضهرو و بيبص على البحر

كريم فـ سرة " مش بحل انا الصمت دا اقول ايه " احم ازيك يا فريدة

فريدة بصتله و بصت قدامها تانى : الحمد لله تمام انت ازيك ؟؟

كريم : ماشى الحال ، اممممم ايه اخبار الدراسه ؟

فريدة : تماام ، نت ايه اخبارها معاك ؟

كريم : يعنى كويسه اهو

فريدة عارفه ان اول حاجه كريم هيتكلم فيها هى الكورة

كريم فى باله : هى بتشجع نادى ايه ، اسألها كدا

كريم لسه بيتكلم : هو صحيح يا فريدة
لقى فريدة بتقول

فريدة : بتشجع نادى ايه ؟؟

كريم : ها ؟

فريدة بصتله باستغراب

كريم : هو انا كنت بتكلم بصوت عالى ؟

فريدة ابتسمت : ليه ؟

كريم : غريبه اصلى كنت هسألك نفس السؤال

فريدة ابتسمت عموما انا مش بشجع الكورة عموما بحب اتفرج على ماتشات المنتخب بس

كريم : اشمعنا ؟

فريدة : يعنى مبحبش التقسيمات و ان كل واحد ليه فرقته بالتعصب و بتوصل للضرب
نسيو فى الاخر اننا مصريين و فى منهم بتجمعهم ديانه واحدة
يعنى مش بحب التفرقه

كريم بصلها باعجاب : برافو حلو تفكيرك ، بس مش الكل كدا

فريدة بتحدى : بس المعظم كدا

كريم بصلها بتأكيد على كلامها : المعظم كدا

ابتسمت فريدة و كمل كريم كلامه : تعرفى ان دى اول مرة اعرف انك عاقله

فريدة بصله شذرا قال كريم بتصليح للموقف : ههههههه اقصد يعنى اول مرة يجمعنا كلام

فريدة : اهاا

كريم : متبقيش تقطعى الجوابات

فريدة بفرحه جواها مبينتهاش ،، ابتسمت

و ع الجانب الآخر

ندى : تفتكر ممكن يتكلمو ؟

اسلام : كريم مش بيحب السكوت و ع الاقل هيفتح مواضيع

ندى بقلق : فريدة بتحبه اوى يا اسلام

اسلام : نفس حبك ليا ؟

ندى بكسوف ضربته ضربه خفيفه ع الجاكت : قولنا فى وقتها هقولك كلام كتير حلو

اسلام مثل ان الضربه وجعته : اه اه قلبى وقف

ندى بضه : بعد الشر متقولش كدا تانى

اسلام : بتخافى عليا ؟

ندى مشيت خطوتين بالايس كريم : الايس كريم بيسيح يلا نمشى

اسلام جوة منه : بحبها يا جدعان

ندى من جواها : ربنا يخليك ليا

راح اسلام و ندى ل كريم و فريدة و لقوهم بيضحكو

اسلام : ما تضحكونا معاكم

كريم : منور ياخويا منور

اسلام مد الايس كريم لكريم : امسك يخويا
منغير ما يقصد وقع ع التيشيرت بتاعه

اسلام : و رب العزة ما اقصد

كريم ضحك باستهزاء : متقصدشى و دا كلام يا كوكو مسك كريم الايس كريم

اسلام بعد خطوتين : هتعمل اييييييييييه ؟

كريم : هاتى كدا يا فريدة و مشى ناحيه اسلام ببطىء : ولا اى حاجه يا كوكو و جرى مرة واحدة
و جرى اسلام

و فريدة و ندى بيضحكو و استمر الضحك و الهزار و التصوير
و قطع اللحظات دى مكالمه امل لفريدة عشان تروح

*************************************************

قدام بيت فريدة ،، فريدة بتسلم على ندى

اسلام : كان يوم ميل بجد يا فريدة

فريدة : جميل بيكم

كريم : ان شاء الله تتكرر

بصت فريدة لـ كريم : ان شاء الله

نزلت فريدة و ندى فرحانه بأنها مبسوطه
و حس اسلام ان كريم ابتدى يقرب منها

مشى اسلام و مسك كريم موبايله و اتصل

كريم : الووو يا لولو و الله يا بنتى كنت فى درس
متزعليش بقى يا قلبى هصالحك اما اروح

بص اسلام لـ ندى فى المرايه

ندى فى سرها : عمرك ما هتتغير يا كريم

=============================================

عدى شهر بدون اى احداث تُذكر

ندى و اسلام قُربهم لبعض بيزيد

كريم بيزيد بالتعلق لريتاج و نفسه يكلمها بس مش بيبطل كلام مع البنات

فريدة بتزيد تعلقها بكريم بس بتعرف تسيطر عل احساسها قدامه
و مركزة فى مزاكرتها

ريتاج حاسه بحلقات مفقودة ، مش عارف تجمع اوقاتها
قُربها لسيف بيزيد

هدى مش مشجعه قُرب سيف من ريتاج بس اقتنعت انهم اخوات
زى ما سيف فقد الذاكرة و عمررها ما هترجعله

==============================================

ندى بتحضر الاكل
ماد و منى و اسلام و كريم و حياة مستنيينها

جت ندى قعدت و ابتدو ياكلو

عماد : تسلم ايدك يا نودا

ندى : تسلم يا بابا

منى : بقيتى ست بيت شاطرة يا ندى

كريم بغلاسه : بقيتى ست بيت ها يا ندى
غمزة اسلام فى رجله كح كريم و سكت

ضحكت ندى

منى : اه صح بكرة انا هروح مع عمتكو سعاد عند الدكتور عشان هتولد
حد يودى حياه الحضانه وانا هجيبها

اسلام : انا هوديها و انا رايح الكليه الصبح

ندى سابت المعلقه و بصت لمنى : اه ماما بكرة المفروض هستلم الطقم الى بفصله عند الخياطه

منى : اه صح معادنا بكرة ، طيب بصى
عدى على حياه استأذنى لها و نروح سوا

ندى : خلاص ماشى يا ماما

خبط الباب قآمت ندى تفتح لقيتها حوريه جارتهم

ندى ك اتفضلى يا طنط

حوريه : يزيد فضلك يا حبيبتى منى هنا

ندى : اه ثانيه واحدة

قامت منى تشوف حوريه سلمت عليها و قعدت معاها

حوريه : بصى يا منى يا اختى ان هدخل فى الموضوع ع طول
ادهم عايز معاد من عماد عشان يطلب ايد ندى

منى بفرحه : اهلا و سهلا اهلا و سهلا عنيا يا حبيبتى تتفضلو فى اى وقت
هكلم عماد انهاردة و هرود عليكى

حوريه : استأذن انا بقى و سلميلنا ع العروسه

=================================

مشيت حوريه و رجعت منى قعدت ع السفرة بفرحه

عماد : خير يا منى ؟

منى : خير مليون خير ادهم عايز منك معاد عشان يتقدم لـ ندى

اسلام وقعت المعلق من ايدو

ندى برقت فى طبقها و بصت على اسلام

كريم بيتابع نظرتهم و مصدوم فى صمت

منى باستغراب : مالك يا اسلام ؟

اسلام : ها ؟ لا ابدا يا ماما مافيش شبعت الحمد لله

منى : ايه رايك فى الموضوع

اسلام : موضوع ايه ؟

منى : ادهم ؟

اسلام : ندى لسه صغيرة يا ماما و قدامها الثانويه و م عايزين حاجه تشغلها عن تحقيق حلمها

عماد بفرحه : كلام اسلام صح يا منى ندى لسه قدامها طريق طويل

قامت ندى و هى بتشيل طباقها

و دخلت اوضتها محستش بنفسها الا و دموعها ع خدها
من تعبها نامت

*************************************

الساعه 2 الظهر يرن موبايل و ترود ،،،

ندى : الووو ؟

منى : انتى لسه نايمه با ندى حياة زمانها هتخرج دلوقتى

ندى قامت بسرعه : معلش يا ماما الموبايل مرنش مصحتش هروحلها اهو

قامت ندى لبست و راحت لـ حياة فى اقل من ربع ساعه

حياة فـ ايد ندى و و منى ع الرصيف التانى

حياة شافت منى طلعت تجرى عليها

حاولت ندى توقفها معرفتش

من بتحاول توقف حياة ، حياة مش شايفه غير انها عايزة تروح لمنى

عربيه ماشيه بعكس الاتجاة و لصغر حياه مش شايفاها
فرملت عليها اتخبطت حياة وقعت ع الارض

ندى وقفت مصدومه مش عارفه تتحرك

منى ضرخت فى الشارع كله : بنتتتتتتتتتتتتتتتتتتتتتتتتتتتتتتتتتتتتتى
avatar
Admin
Admin

المساهمات : 54
تاريخ التسجيل : 02/07/2013
العمر : 21
الموقع : egypt

معاينة صفحة البيانات الشخصي للعضو http://wladelbalad.ahlamontada.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى