ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

قصة مكانش حلم الحلقة 17

استعرض الموضوع السابق استعرض الموضوع التالي اذهب الى الأسفل

قصة مكانش حلم الحلقة 17

مُساهمة من طرف Admin في الأربعاء يوليو 03, 2013 3:43 am

اسلام : فريدة انتى فاضيه ؟ ممكن اشوفك ضرورى ؟

فريدة بقلق : خيييييييييير يا اسلام ؟؟

اسلام : كل خير ان شاء الله

إسلام قاعد مع مستنى فريدة فى كافيه جنب بيتها

اول ما شافها قام ،، فريدة بصت على ايديه بخضه

فريدة : مال ايدك ؟؟؟

اسلام : اقعدى بس يا فريدة

فريدة : خير يا اسلام مالك ؟؟

اسلام : انا مردتش اقولك فى التليفون عشان متتخضيش

فريدة : فى ايه يا اسلام قلقتنى

اسلام : فريدة ندى فى المستشفى ، حصلها نفس الى حصلها قبل كدا

فريدة بخضه و صوتها على : ايييييييييييه ؟

بص اسلام حواليه و رجع بص عليها : الى حصل يا فريدة

فريدة : فى ايه يا اسلام الى حصل ؟

اسلام بعصبيه اما افتكر الموقف : دى بتحب مين من ورانا يا فريدة

فريدة اتفجأت من السؤال ،

اسلام باصرار : انتى عارفهه حاجه و مخبياها عنى فريدة انا سمعتكو بودانى انا هتجنن

فريدة بتحاول تسترجع الى حصل ،،

فريدة : لالا ثوانى كدا انا مش فاهمه حاجه ايه ندى بتحب مين و التخريف دا يا اسلام ؟

اسلام بترجى : فريدة ارجوووووووووووكى اتكلمى

فريدة : ندى مبتحبش غيرك يا اسلام ندى بتحبك انتا

اسلام اتصدم من الكلمه سكت يستوعب كملت فريدة :

فريدة : مالها ندى يا اسلام عملت فيها ايه

ايلام : فريدة اتكلمى ندى بتحبنى انا ازاى امتا
انا سمعتها بودانى و هى بتكلمك و بتقولك يا خوفى ليفهم انى بحبه
و انك انتى الى بتحبين

فريدة قاطعته بوجع : انتا سمعت غلط يا اسلام او مكملتش للاخر

ندى كان قصدها على ... سكتت فريدة

اسلام : اتكلمى يا فريدة قصدها على مين ؟؟؟

فريدة بتكمل بعصبيه واتكونت فى عيونها دموع موقفها فى انها تنقذ صاحبته و بين كرامتها كان فى مقارنه صعبه ،،

فريدة : كان قصدها على كريم يا اسلام

اسلام بيسترجع زاكرته و بيحاول يتقبل الصدمه

اسلام : تقصدى انى ظلمت ندى ؟؟

بس انا سمعتها بودانى و هى بتكلمه امبارح

فريدة : اكيد فى حاجه غلط يا اسلام ندى مش بتكلم ولاد و محافظه على قلبها ليك و بس

اسلام : طب و ايه الى يخليها تحط باسورد على موبايلها

فريدة بضحكه موجوعه : لان كريم بياخد ارقام صحابنا البنات من على موبها
و عشان حياه دايما تلعب فيه

اسلام طلع موبايل ندى من جيبه ،، قولى الباسورد

فريدة : انتا عارفه مش غريب عنك

اسلام : تقصدى ايه ؟

فريدة : اكتب اول حرف من اسمك بالانجليزى و تاريخ ميلادك

اسلام بص لفريدة بصدمه و هو مش مستوعب الى بيحصل
كتب الباسورد الموبايل فتح
دخل على سجل المكالمات لقى انه اما سمعها امبارح
كانت بتكلم كريم و انه فعلا ظالمها

حس بوجع فى قلبه كتم دموعه الى رافضه تنزل قدام فريدة

فريدة : ودينى ليها يا اسلام

اسلام بصوت مخنوق : قبل ما اوصل ليها يا فريدة ممكن تساعدينى ؟

فريدة : احكى الى حصل يا اسلام

اسلام بص على البحر من ازاز الكافيه وندة على الجرسون

اسلام بخنقه و حزن : تشربى ايه ؟؟

================================

ندى عامله نفسها نايمه متعلقه فـ ايديها محاليل

منى قاعده ع السرير الى جنبها بتسرح شعر حياة

خبط الباب غمضت ندى عنيها

منى : اهلا يا ادهم ادخل

ادهم : ازيك يا طنط منى ؟؟

منى : بخير يا حبيبى

ادهم : مشى ناحيه سرير ندى : و ندى عامله ايه ؟

منى : مقامتش من الصبح

ادهم قرب كرسى جنبها و هو بيقيس لها الضغط

فحت ندى عنيها جت فى عين ادهم ارتبك بص لجهاز الضغط

ادهم : صباح الخير يا ندى

ندى اتكسفت قامت قعدت نص قاعدة

ادهم : الضغط واطى ،، هى مأكلتش حاجه يا طنط ؟

منى : لا يا حبيبى خالص الاكل زى ما هو

ادهم : لالالالا مينفعش فين الاكل ؟

منى : عملت المستحيل عشان تاكل اهو ع الترابيزة

قام ادهم عمل ساندويتش لندى منى ملاحظه اهتمامه و مبسوطه بيه

قرب ادهم من ندى : كلى دا عشان الدوا ، اه المحاليل الى فى ايدك بتعوضك بس بردو الاكل دا اهم

ندى اتكسفت اخدت السندويتش

ادهم : و بعدين هم الى بيتعبو بيبقو حلوين كدا

ابتسمت ندى بتعب و ضحكو ادهم و منى
خبط الباب و دخلت فريدة تجرى على ندى و اسلام وراها

اتغاظ اما شاف ادهم بيضحك و ندى مبتسمه

ندى حضنت فريدة و عيطت فى حضنها

ادهم مستحملش يشوف دموع ندى ،،

ادهم : ازيك يا اسلام ؟؟

اسلام بغيظ : تمام انت ازيك يا ادهم ؟؟

ادهم : تمام مبقتش بتيجى ليه ؟

اسلام : البيت قصاد البيت ان شاء الله هبقى اجى

ادهم بص ع ندى بنفاذ صبر : اهدى يا ندى العياط مش وحش علشانك
حاولو تهدوها لو سمحتو

اسلام بغيظ متدارى : اتفضل انتا يا ادهم و اى حاجه هنبلغك

ادهم : استأن انا

رج ادهم بصتله منى

منى : ايه الى عملته دا ؟

اسلام : عملت ايه وقفته عند حدة

منى : انتا كسفته الراجل يشكر على وقوفه جنبنا و فوق دا كله يبقى جارنا

اسلام : جارنا يبقى يلزم حدودة هو مش هيخاف عليها اكتر منى و مننا كلنا

خرج اسلام بعصبيه من الاوضه

ندى خوفها من اسلام زاد فريدة طبطبت عليها

اسلام قاعد فـ الاستراحه ،، شاف كريم معدى من قدامه و معاه بنت

اسلام : كريم ؟

كريم ماشى جنب ريتاج و بيضحكو سمع حد ندة عليه بص لقاه اسلام

كريم : ثوانى يا ريتاج

ريتاج : اتفضل

كريم : ايه يا سمسم فينك ؟

اسلام بتساؤل : مين دى ؟

كريم : دى اخت سيف اما عرفت ان ندى هنا قولتلها تتعرف عليها و كدا

اسلام : ما تخليك فى بنت واحدة بقى

كريم نفخ : يادى النيله السودة هو ندى امبارح و انت انهاردة خلاص يا معلم انا تبت على ايديها

اسلام : ايد مين ؟

كريم و هو ماشى و بيغمز لاسلام على ريتاج : كلك نظر يا صاحبى

وقف اسلام ،، و الله انتا ما تستاهل حب فريدة بس اعمل ايه فيك
بتحبك

باب اوضه ندى خبط و دخلت ريتاج ووراها كريم

فريدة قاعدة جنب ندى و بيلعبو ع اللاب

بصت فريدة على البنت الى داخله مع كريم و عملت نفسها مش مركزة

كريم قرب من ندى : اعرفكو ريتاج اخت سيف يا ماما

ريتاج اخت سيف يا ندى ها

ريتاج ندى اختى

ريتاج برقه : ازيك يا ندى سلامتك

بصه ندى على فريدة و احساسها من الغيرة واصلها

بصت ندى لريتاج و بادلتها نفس الابتسامه

ريتاج : ان شاء الله نتعرف على بعض فى ظروف احسن من كدا و نبقى اصحاب

كريم واقف ورا ريتاج بيشاور لـ ندى تاخد رقمها
لفتت اشاراته انتباة فريدة بصتله فهمت طلبه

فريدة : انا صاحبه ندى و زى اختها

ريتاج : اهاا اهلا بيكى

فريدة : سجلى رقمى عندك بقى عشان نبقى اصحاب

ريتاج ابتسمت كريم شاور لفريدة بمعنى : الله عليكى و حرك شفايفه بـ " ايوة بقى "

ندى بصه على فريدة و قلبها واجعها على حال صاحبتها

استأذنت ريتاج و طلعت تانى لسيف

قرب كريم من فريدة و قالها : وربنا انتى اجدع اخت شفتها

فريدة بدموع اتحبست جواها على هيئه بسمه : عيب عليك يا كريم انا بفهمك من نظرة بردو

************************************

عدى اسبوع

سيف رجع فيه البيت و رجع لحياته الطبيعيه قبل الحادثه

اسلام بيحضر حاجه لـ ندى يصالحها بيها بمساعده فريدة

ادهم قُربه لـ ندى كان بيزيد يوم عن يوم و دى حاجه كانت مدايقه اسلام و بتخلي الدم يغلى فى عروقه

محمود و اندى ابتدو يقربو لـ بعض

داليا مش بتحضر سكشنات عشان متتجمعش بـ اسلام

كريم حَب ريتاج حُب كلى لكن مقطش علاقته بأى بنت

ريتاج بتعامل كريم على انه اخ مش اكتر و فـ نفس الوقت
حاسه بحآجه غريبه بين رشدى و هدى بتحاول تفهمها

فريدة ركزت فى مُذاكرتها و بتدعى ربنا يهدى لها كريم
و يقرب منها قلبه

ندى كلامها خفيف جدا و لسانها تقيل
خُوفها من اسلام كان بيخليها بس تسمع صوته تدخل تنام

لدرجه ان كل البيت لاحظ

=================================

يخبط باب شقه عماد و منى و تجرى حياة تفتح

تسلم فريدة على حياة و تدخل لندى

فريدة : انتى لسه مخلصتيش يا ندى كدا مش هنلحق الحفله فى النادى هتبدأ 4

ندى بقتل و بطىء فى الكلام : قربت

فريدة : امممممم بقولك ايه ما تلبسى نفس اللون الى انا لابساة عشان نبقى زى بعض
استنى هقوم انقيلك طقم

قامت فريدة و قعدت ندى فتحت فريدة الدولاب و هى بتنقى لها طقم

اختارتلها فستان لونه بيترولى غامق و عليه بوليروة نفس لون الفستان
و جابتلها طرحه سيلفر فى تركواز و ساعدتها فى اللبس و لف الطرحه

فريدة ك ما شاء الله عليكى يا نودا انا كدا هخاف نمشى لوحدنا لـ تتخطفى منى ، ما اكلم اسلام يوصلنا

تلاشت الضحكه من على وش ندى و بصتلها بعتاب

ريد غيرت الموضوع : خلاص خلاص اهو يوم يعدى
دا احنا هنتعلق فى الامتحانات

ضحكت ندى من تانى و طلعت لمنى سلمو عليها و نزلو

*************************

ندى قاعدة على ترابيزة هى و فريدة و صحابهم فى النادى

فريدة عنيها رايحه جايه على اى حد يعدى

ندى لاحظت : مالك يا فريدة ؟

فريدة : ها لا ابدا مافيش

ندى : طيب

فريدة ضحكت اما شافت حد طلع على الاستيج

مسك المايك و ابتدى يتكلم

.......... : مساء الخير

ندى التفتت ناحيه الصوت بدهشه و برقت عنيها

......... : انا مش عارف ابدأ منين
بس اسمعونى و مش هطول عليكم
انا من 5 سنين والدتى بلغتنى ان هيجيلى اخت تعيش معايا فى البيت
زى ما كنت طول عمرى بتمنى

فرحت اوى و انا الى بيضتلها اوضه اخويا التانى بإيدى و كنت بنقى هدومها مع ماما قبل ما تيجى

بس من اول ما شوفتها و انا بحافظ عليها زى اختى
لكن معاملتى ليها كانت معامله اب لبنته

اخدت عهد على نفسى انى هبقى امها و ابوها و كل حاجه فى حياتها

هى فى الاصل تبقى بنت خالتى

نزل اسلام سلمتين ووقف ،،

يوم ورا يوم قلبى كان بيتعلق بيها
كنت مستعد اعمل اى حاجه ولا انى اشوف دمعتها
بس مكنتش اتخيل للحظه انى انا اكون السبب فى دمعتها دى

غيرتى عليها من اى حد يشوفها فاقت كل الحدود
ملكت قلبى و قفلت عليها بالمفتاح و رميته فى بير مخروم ميته مش ثابته

انهاردة بس جاى اقولها

قرب اسلام من الترابيزة الى قاعدة عليها ندى و ركع عل رجله

اسلام بيكمل : مش عايز اشوف دموعك تانى
انا آسف ،، يا ام عيالى

كل البنات عيطت الولاد صفرو

ندى قامت وقفت و عنيها كلها دموع دارت دموعها و قالت جواها
لازم اكون اقوى من كدا

ندى : مش قابله يا اسلام اى كلمه منك

==================================

يـُـتــبــع
avatar
Admin
Admin

المساهمات : 54
تاريخ التسجيل : 02/07/2013
العمر : 21
الموقع : egypt

معاينة صفحة البيانات الشخصي للعضو http://wladelbalad.ahlamontada.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى