ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

قصة مكانش حلم الحلقة 11

استعرض الموضوع السابق استعرض الموضوع التالي اذهب الى الأسفل

قصة مكانش حلم الحلقة 11

مُساهمة من طرف Admin في الأربعاء يوليو 03, 2013 2:39 am

منى : طب دا دكتور كوييس يا عماد ؟

عماد بيفرد الكوفرته عشان ينام : اه يا منى بيقولو عليه استشارى كويس جداااا

منى : يا مسهل

عماد بيدور لمنى : انتى مش بتتكلمى معاها ليه يا منى ؟

منى : بتكلم و الله يا عماد هى الى مش راضيه تحكى اى حااجه و بتتكلم بالعاااااااافيه كلامها قل خالص
==================================

اسلام قاعد فى اوضته بيحاول يذاكر مش عارف ،، حبه يذاكر و حبه يشخبط على ورق فااضى
صوت كريم و هو نايم : يبنى حرم عليييك مبعرفش انام منك مش مكفيك النور و كمان صوت الورق ؟

اسلام مش مركز مع كريم

كريم : النور يا اسلام و قال و هو بيحط المخدة على دماغه : قال بيذاكر قال دا دايماً الى يقارنونى بيه و الله ما هو فالح

اسلام قفل النور و قام قعد ع السرير و فتح نور الاباجورة الى جنبه و هو بيفكر فى ندى و وقفتها مع حمزة و شكلها و هى بتعيط اما وقعها ع الارض و هو بيزقها
و كريم اما قال ان المستر لغى الدروس و ظُلمه ليها

قفل اسلام الاباجورة تانى و طلع الريسيبشن و قفل الباب ع كريم

كريم شال المخدة من على وشه ،، و ضحك باستهزاء " ابقو قابلونى لو فلح "

=======================================

اسلام واقف فى بلكونة الريسيبشن بيبص على بلكونه ندى الى كانت مفتوحه و بيتمنى تطلع فى اى وقت و يشوفها و لو لـ لحظه
دخل بص فى ساعه الحائط شاف ان مبقاش كتير ع الفجر و خلاص دقايق و هيشوفها فرِح

دخل البلكونه تانى و قرب الكرسى من السور و قعد حس ان دماغه تقلِت سندها ع السور و الهوى وارب باب البلكونه

====================================

ندى فى اوضتها ماسكه اجندة بتكتب فيها الحاجات المهمه الى بتحصلها فى اليوم
كتبت يومها انهاردة و فتحتها من الاول تقرا المواقف الى بتجمعها بـ اسلام من اول ما جت البيت

الفجر اذن فرحت انها هتشوف اسلام
قامت خرجت من اوضتها بصت على اوضه اسلام لقتها مقفوله حاولت تعمل اى صوت و هى رايحه تتوضى يمكن يسمعها و يصحى
ملاها اليأس انها تشوفه دخلت اوضتها فرشت السجادة و ابتدت الصلاة

**********************************************

رغم ان صوت الآذآن و المسجد كان عالى الا ان تعب اسلام و تفكيرة كان اقوى من انه يصحى او يقلق

ندى فى آخر ركعه ،، النور قطع فجأة اتخضت ،، الدنيا لسه ضلمه و الصبح مطلعش
كملت لحد ما خلصت بصت فى الساعه مفضلش ع الشروق كتير

قالت تطلع البلكونه لحد الشروق و بعدها تنام دورت على المصحف ملقتهوش افتكرت ان اسلام اخدة و مجابلهاش غيرة

دخلت البلكونة و هى بترتل ايات حافظاها من سور بتحبها و بتريحها

ندى قربت الكرسى من الحيطه الى بتفصل بلكونه اوضتها عن الريسبشن
ضهرها بقى للحيطه و على يمينها السور و قدامها حيطه تانيه

اسلام ساند راسه على السور و من تعبه مبيصحاش

ندى اتدورت بالكرسى بقى وشها للسما فضلت تبكى من غير صوت و هى بتحسس على دراعها

النور كان ابتدى يشقشق و الجو برّد ،، دخلت اوضتها بدموعها قفلت البلكونه و قعدت نص قاعدة على السرير و هى زهقانه و احساسها انها فى سجن مسيطر عليها

==============================================

الساعه 7 الصبح ،،

قامت منى على صوت المنبه و صحت عماد

عماد : النور قاطع ولا ايه ؟؟

منى : اة المروحه وقفت شكله كدا

عماد قام من النوم خد الفوطه و دخل ياخد شاور

منى قامت دخلت لـ ندى تطمن عليها
فتحت الباب براحه خافت تكون ندى نايمه

خضه نسبيه بين ندى و منى نهيتها منى

منى : عامله ايه يا حبيتبى ؟؟

ندى بلسان تقيل : الحمد لله يا خالتو

منى حست بزهق ندى قعدت جنبها ع السرير : تحبى تروحى النادى مع كريم انهاردة ؟؟

نجى بفرحه : ماشى يا خالتو

منى بابتسامه : طيب تعالى نقوم نحضر فطار عماد و نعمل السندويتشاات الى هتاخدوها فى النادى و اهو تغيرى جو

قامت ندى و جواها حزن ان منى مخدتش بالها من كلمه خالتو و مقالتلهاش قولى خالتو بس فرحه انها هتخرج و تروح النادى كانت طاغيه عليها

منى خرجت وراها ندى ،،

منى : روحى يا ندى افتحى البلكونه و هوى الشقه

راحت ندى بعد ما هزت دماغها بحاضر فتحت البلكونة و اتفجأت بـ اسلام نايم

احاسيس متلخبطه جوة ندى صعبان عليها اسلام على هتعيط على احساسها بأنه ظالمها دخلت البلكونة و هى بتحسس على دراعها

و بصوت هادى جداا : اسلام اسلالالالام ؟

اترددت ندى تمد ايديها و تصحيه بعدت ايديها بسرعه و قربتها تانى فى تردد و هى بتطبطب على كتفه

ندى : اسلام ؟ انتا ايه الى منيمك هنا ؟

اسلام فتح عينه بتعب و ابتسم و هو شايف ندى و ما بين لحظه اليقظه و النوم بيتقال كلام كتييير

اسلام بصوت تعبان و عين مقفوله : مستنى اشوفك مش عارف اعمل اى حاجه فى حياتى و انا مزعلك متعودتش تكونى زعلانه منى يا ندى

قفل اسلام عينه ووشه ناحيه ندى

احساس بالفرحه جوة ندى خلاها تنسى اى اسى من اسلام : طب قوم انتا كدا هتتعب

كحات متتاليه من اسلام بتعب و عينه اتقفلت تماما حطت ندى ايديها على جبينه لقيته سخن اووى

طلعت تجرى و هى مبرقه

ندى : الحقى يا خالتو

منى بخضه : فى اييييه

ندى كلام كتير متلخبط جواها : اسلام مبينطقش و سخن و نايم فى البلكونه

منى طلعت تجرى عماد طالع من الحمام اتخض من جريها

عماد وقفها : انتى نسيتى انك حامل ؟؟ فى ايه يا منى

منى : اسلام فى البكونه مش بينطق

جرى عماد يشوف اسلام حسس بايدو على وشه لقاه كويس سندة لحد اوضته و نيمه ع السرير

عماد : مافيش حرارة كويس اننا فى صيف ،، اعمليله حجات دافيه يا منى لحد ما اجى ،، و انا جاى هجيب تلمومتر بدل الى اتكسر ان شاء الله خير

منى اطمن نسيبيا عكس ندى الى قلقها مسيطر عليها بطريقه غريبه

دخل عماد اوضته كمل لبس و نزل راح العيادة و حجز لندى معاد بدرى

كريم صحى فى معاده و قام يلبس و حضر شنطته و طلع لمنى

كريم : مامااا فين الفلوس عشان نازل ؟

منى : استنى يا كريم انتا هتاخد ندى معاك

كريم : يا لهوووى يا ماما طب هى لابسه انا كدا هتأأأأأأأخر

منى : استنى اشوفها ،، دخلت منى لـ ندى لقيتها فاعدة ع السرير

منى : مش هتلبسى يا ندى ؟ كريم ماشى

ندى بتعب : لا يا خالتو مش عايزة اروح

منى : روحى غيرى جو ؟

ندى : لالا يا خالتو يوم تانى بقى

منى : ماشى يا ندى

كريم : هاا يا ماما

منى : خلاص امشى انتا

كريم : كان لازمتها الواقفه دى ايه يا سااتر ،، فتح كريم الباب و نزل

==========================================

منى دخلت المطبخ مش قادرة تشم اى ريحه اكل
حست بدوخه و الدنيا بتلف بيها

ندهت على ندى مرة و اتنين صوتها ضعيف مش مسموع

استجمعت قواها و ندهت على ندى

ندى اتخضت طلعتلها جررى

ندى : ماااااااالك يا خالتوو

منى و هى ع الارض و بصوت مش طالع : مش عارفه يا ندى

ندى مش عارفه تتصرف و مش حافظه رقم شغل عماد ولا موبايله
طلعت تجرى على جارتهم فتحلها شاب فى العشرينات

الشاب باستغراب : ايوة ؟؟

ندى بلجله : خخاالت ،، لا ماما حامل و تعبانه وقعت ع الارض و محدش موجود فى البيت ممكن طنط تيجى تساعدنى

فى المطبخ ،

الجارة : اسندى عليا يا منى البسك الاسدال

ندى :اجى معاكى يا خالتو

منى بتعب : لا يا ندى خليكى هنا لتحصل حاجه

الجارة : يلا يا منى معلش يا حبيبتى ادهم بيسخن العربيه و هنروح المستشفى بسرعه

ندى دخلت البلكونه تبص على منى و هى نازله
ادهم باصص على بلكونه ندى اتقابلت عيونهم دخلت ندى بسرعه بعد ما اطمنت ان منى ركبت

********************************

دخلت ندى تطمن على اسلام لقته سخن اكتر و عرقان اوووى

عنيها دمعت مش عارفه تتصرف افتكرت انها فى موقف زى دا المفروض تجيب كمادات و تعمله كمادات

جابت طبق فى مايه ساقعه و دخلت جابت طرحه من طرحها و عملتها كمادات لاسلام

================================================

امل داخله الشقه بتنادى ع فريدة

امل : فييييييررررى

فريدة طالعه من الاوضه و ماسكه اللاب : ايوة يا ماما

امل : جبتلك عنوااان نننننندى

فريدة بفرجه حطت اللاب ع الكنبه ليقع منها و جريت ع امل و حضنتها

فريدة : بجد يا ماااماا

امل : و الله يا روح ماماا اهوووو

فريدة : يلا نروووح طييب

امل : مينفعش يا روحى : احنا نكلمهم الاول و نقولهم مينفعش نطُب مرة واحدة كدا عليهم

فريدةقامت وقفت ع الكنبه و هى بتطنطط : انا فرحانه اووووووووووووووووووى
===============================================

فـ النادى ،،

كريم داخل الملعب متأخر جرى حط شنطته و قعد فى مكانه

كريم بهمس : اتاخرت ولا ايه يا مصطفى

مصطفى بهمس : جدااا ربنا يسسستر و مينزلش حد من الجدااد مكانك

كريم : نعععم ينزل مين و جداد ميين ؟

مصطفى : فى اتنين جم جدااد و متوصى عليهم

كريم : مين دول ؟

مصطفى : الى جنبك ع طول دا اسمه سيف رشدى و الى جنبه اسمه خالد عبد العليم

كريم : دا ع جثتى قال حد غيرى قال
avatar
Admin
Admin

المساهمات : 54
تاريخ التسجيل : 02/07/2013
العمر : 21
الموقع : egypt

معاينة صفحة البيانات الشخصي للعضو http://wladelbalad.ahlamontada.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى